XX. mendeko Euskararen Corpus estatistikoa

Testuingurua

TXINDOKI'KO MARI....

Txindoki'ko Mari, Anboto'ko Mari...
Agerkera ongarri edota gaiztoz
Euskalerriaren aintzin-aldi batean
Beren egunezkoz edota gauekoz:
Mari, Maya, Maindi, Maide, edo Mairi,
Erroturik zeudenean gizartean
Izadi Amaren loturakizunean
Euskereaz bat egiña ain bereizgarri!.

Mari. Nork ez du entzun ta nork ez daki
Ainbat leiza-zulo ta kobazuloren
Ainbat inpernuko dama ta andraren,
Ainbat sorgin landa, egoitzaren berri?.
Nork ez daki gurasoz entzundakoaren
Zadordurazko ipuin ta gertakari
Ainbat gau-aro beltz ta izugarriren
Aoz-ao gureganduriko deabrukeri?.

Benetan entzutetsuak dituzu bai
Atxorrotz, Baltzola, Supeleor, Anboto
Petralanda, Agamunda, Marizulo,
Orduko ele-melezko ainbat bidez:
Aketegi, Akelarre, beren larrez
Zelharburu, Azalegi, Otsabio,
Murumendi... Ai, zenbat erratz, bildur-gai,
Neguko gau illun bakoitzari dario!.